سٹی42: خاتون نے ایک گھنٹے میں 1575 پُش اپس لگا کر اپنا دوسرا گینیز ورلڈ ریکارڈ قائم کر دیا۔
البرٹا سے تعلق رکھنے والی 59 سالہ ڈونا جین وائلڈ نے خواتین کی کیٹگری میں ایک گھنٹے کے اندر زیادہ پش اپس لگانے کا چیلنج اٹھایا اور وقت پورا ہونے سے 17 منٹ پہلے گزشتہ ریکارڈ کو عبور کر گئیں۔
گینیز ورلڈ ریکارڈ سے گفتگو کرتے ہوئے ڈونا جین وائلڈ کا کہنا تھا کہ وہ خوشی کے آنسوؤں اور جذبات سے لڑتی رہیں اور کوشش جاری رکھی۔انہوں کہا کہ وہ باقی 17 منٹوں میں زیادہ سے زیادہ پش اپس لگانے کا ارادہ رکھتی تھیں۔
اس سے قبل ڈونا خواتین کی کیٹگری میں 4 گھنٹے 30 منٹ اور 11 سیکنڈ تک ایبڈومنل (پیٹ کے بل) پلینک پوزیشن کا گینیز ورلڈ ریکارڈ بھی اپنے نام کر چکی ہیں۔
خاتون نے جب اس ریکارڈ کی کوشش کی تو موقع پر ان کے 12 پوتے پوتیوں اور نواسے نواسیوں میں سے 11 موجود تھے۔
ڈونا نے بتایا کہ انہوں نے خواتین کے زیادہ سے زیادہ پش اپس کا ریکارڈتوڑنے کے لئے طویل عرصہ تیاری کی اور روزانہ سینکڑوں پش اپ لگاتی رہیں۔ جب انہوں نے تیای شروع کی تو ایک گھنٹے مین سب سے زیادہ پش اپ لگانے کا ریکارڈ 1207 پش اپس کا تھا۔ ڈونا کی تیاری اور سٹیمنا ایسا شاندار تھا کہ وہ چالیس منٹ میں یہ اس ریکارڈ کو توڑنے تک پہنچ گئیں۔ باقی وقت مین انہوں نے نسبتاً آرام کے ساتھ اپنا ریکارڈ بہتر بنایا اور ایک گھنٹے میں 1575 ڈنڈ (پش اپ) لگا ڈالے۔