وقاص احمد: 4 دن قبل کوٹ لکھپت سے لاپتہ ہونے والا 14 سالہ بچہ لیاقت آباد کے علاقے سے بازیاب کرلیا گیا۔
لیاقت آباد پولیس نے پرانی سبزی منڈی کے قریب بچے کو تلاش کیا جس کے بعد اس کی بازیابی کی اطلاع دی گئی۔بچے کے والد کی مدعیت میں تھانہ کوٹ لکھپت میں اغوا کا مقدمہ درج کیا گیا تھا۔
ایس پی اخلاق اللہ تارڑ نے اس کیس کی تفتیش کیلئے سپیشل ٹیم تشکیل دی تھی اور سوشل میڈیا، وائرلیس کالز اور دیگر ذرائع سے بچہ کی تلاش میں مدد لی گئی۔
ایس پی ماڈل ٹاؤن کے مطابق بچہ والد کی ڈانٹ کے باعث رات کو بغیر بتائے گھر سے نکل گیا تھا۔ آخرکار 14 سالہ ڈیوڈ کو والد کے حوالے کر دیا گیا۔
ایس پی اخلاق اللہ تارڑ نے اس کامیاب آپریشن پر ٹیم کی محنت کی تعریف کی۔