ویب ڈیسک: فٹبال ورلڈکپ میں سعودی ٹیم کی ارجنٹائن سے فتح پر سعودی ولی عہد محمد بن سلمان سجدے میں گرگئے۔
تفصیلات کے مطابق قطر میں جاری فٹبال ورلڈکپ میں سنسنی خیز مقابلے کے بعد سعودی عرب نے ارجنٹائن کو 1-2 سے شکست دی۔سعودی وزیراعظم و ولی عہد محمد بن سلمان نے خاندان کے افراد کے ہمراہ مملکت میں میچ دیکھا۔
قومی ٹیم کی فتح پر ولی عہد محمد بن سلمان خوشی سے جھوم اٹھے اور سجدہ شکر ادا کیا۔محمد بن سلمان کے جشن منانے کی تصاویر سوشل میڈیا پر جاری کی گئیں۔
سعودی عرب اور ارجنٹائن کے میچ کے دوران امیر قطر شیخ تمیم بن حمد الثانی اور سعودی وزیر کھیل شہزادہ عبدالعزیز بن ترکی الفیصل بھی اسٹیڈیم میں موجود رہے۔