پی ٹی آئی کارکن کا اپنے لیڈر کیلیے انوکھا تحفہ، ویڈیو وائرل

(ویب ڈیسک) پاکستان تحریک انصاف کے چیرمین عمران خان کے لیے جڑانوالہ سے ان کے دو  جیالے صدقے کا اونٹ لے کر زمان پارک پہنچ گئے۔

تفصیلات کے مطابق جیسا کہ عمران خان کے چاہنے والے پاکستان سمیت دنیا بھر میں موجود ہیں، لوگ ان سے بے حد محبت کرتے ہیں۔ حال ہی میں عمران خان کے ساتھ ہونے والے حادثے پر ان کے چاہنے والے ان کی صحت کیلیے فکر مند ہیں، مختلف شہروں اور قصبوں سے لوگ عمران خان کے لیے پھول اور تحفے ساتھ لیے ان کی عیادت کیلیے آرہے ہیں۔

 حال ہی میں جڑانوالہ کے دو پی ٹی آئی کارکن عمران خان کے لیے صدقے کا اونٹ لے کر زمان پارک پہنچ گئے۔ عمران خان کیلیے اونٹ لانے والے وحید نیازی اور مبشر جٹ نے کہا کہ وہ عمران خان کی جان کا صدقہ دینے کے لیے اونٹ زمان پارک لائے ہیں۔ان کا کہنا تھا کہ ہمارے قائد نے 26 نومبر کو راولپنڈی روانہ ہونا ہے۔

خیال رہے کہ چیئرمین پی ٹی آئی عمران خان نے اعلان کیا ہے کہ وہ 26 نومبر کو راولپنڈی میں ہونے والے جلسے میں خود شریک ہوں گے۔