(ویب ڈیسک) پاکستان تحریک انصاف کے چیرمین عمران خان کے لیے جڑانوالہ سے ان کے دو  جیالے صدقے کا اونٹ لے کر زمان پارک پہنچ گئے۔

تفصیلات کے مطابق جیسا کہ عمران خان کے چاہنے والے پاکستان سمیت دنیا بھر میں موجود ہیں، لوگ ان سے بے حد محبت کرتے ہیں۔ حال ہی میں عمران خان کے ساتھ ہونے والے حادثے پر ان کے چاہنے والے ان کی صحت کیلیے فکر مند ہیں، مختلف شہروں اور قصبوں سے لوگ عمران خان کے لیے پھول اور تحفے ساتھ لیے ان کی عیادت کیلیے آرہے ہیں۔

 حال ہی میں جڑانوالہ کے دو پی ٹی آئی کارکن عمران خان کے لیے صدقے کا اونٹ لے کر زمان پارک پہنچ گئے۔ عمران خان کیلیے اونٹ لانے والے وحید نیازی اور مبشر جٹ نے کہا کہ وہ عمران خان کی جان کا صدقہ دینے کے لیے اونٹ زمان پارک لائے ہیں۔ان کا کہنا تھا کہ ہمارے قائد نے 26 نومبر کو راولپنڈی روانہ ہونا ہے۔

جڑانوالہ کاشہری وحید نیازی اور مبشر جٹ اونٹ کا صدقہ دینے کے لیے زمان پارک پہنچ گئے

میرے قائد نے 26 نومبر کو راولپنڈی روانہ ہونا ہے, شہری وحید نیازی

عمران خان کی جان کا صدقہ دینے کے لیے اونٹ زمان پارک لایا ہوں, شہری pic.twitter.com/lPE3gKeac5

— Imran Bhatti (@ReporterBhatti) November 22, 2022

خیال رہے کہ چیئرمین پی ٹی آئی عمران خان نے اعلان کیا ہے کہ وہ 26 نومبر کو راولپنڈی میں ہونے والے جلسے میں خود شریک ہوں گے۔