ویب ڈیسک :  فاسٹ بالر شاہ نواز دھانی نے بنگلہ دیش کے خلاف ڈیبیو کر لیا. پی سی بی نے ٹویٹ کی ہے کہ شاہ نواز دھانی پاکستان کے ٹی 20 پلیئر نمبر 95 ہیں۔

   فاسٹ بالر شاہ نواز دھانی نے بنگلہ دیش کے خلاف ڈیبیو کر لیا. قومی کرکٹ ٹیم کے فاسٹ بولر شاہ نواز دھانی نے اپنے پہلے انٹرنیشنل ٹی20 میں شاندار یورکر کرواکے پہلے کھلاڑی کو آؤٹ کرلیا۔ شاہنواز نے بنگلادیش کے اوپنر نجم الحسین شنتو کو 5 رنز پر بولڈ کیا جبکہ  آل راؤنڈر شعیب ملک بیٹے کی طبیعت ناساز ہونے کے سبب بنگلادیش کے خلاف تیسرے ٹی 20 سے دستبردار ہوچکے ہیں۔ 

 پی سی بی نے ٹویٹ کی ہے کہ شاہ نواز دھانی پاکستان کے ٹی 20 پلیئر نمبر 95 ہیں۔ پی سی بی نے شاہ نواز دھانی کی ویڈیو بھی جاری کی ہے، جس میں وہ انتہائی خوش نظر آئے ان کا کہنا تھا کہ ڈیبیو وہ ہونے پر  بہت پرجوش ہیں۔

Update: @ShahnawazDahani to make his T20I debut today against Bangladesh.
He becomes Pakistan T20I player No.95.#HarHaalMainCricket | #BackTheBoysInGreen | #BANvPAK pic.twitter.com/X6FzHnTBKC

— Pakistan Cricket (@TheRealPCB) November 22, 2021

شاہنواز دھانی کا کہنا ہے کہ انہیں اسی دن کا انتظار تھا، اور آج ان کا خواب پورا ہو گیا۔ ان کا کہنا تھا کہ ہر کھلاڑی اپنی قوم اور ملک کے لیے کھیلنے کا انتظار کرتا ہے کہ وہ میچ میں کھیلے اور اور اپنی ٹیم کو جتوائے۔

 دوسری جانب پاکستان کرکٹ بورڈ کی جانب سے شاہ نواز دھانی کو ڈیبیو کیپ ملنے کی ویڈیو سوشل میڈیا پر بھی شیئر کی گئی ہے۔ ویڈیو میں دیکھا جا سکتا ہے کہ دھانی کو انٹرنیشنل کیپ ملنے سے قبل تمام کھلاڑیوں نے انہیں تالیاں بجا کر مبارکباد پیش کی۔شاہ نواز دھانی کو ٹی20   کیپ پیش کرتے وقت قومی ٹیم کے وکٹ کیپر بلے باز سرفراز احمد کا کہنا تھا کہ مبارک ہو کہ آج آپ پاکستان کے لیے کھیل رہے ہیں، میں نے پہلی مرتبہ آپ کو 2019 میں دیکھا تھا اور آج 2021 ہے، ان دو سالوں میں آپ نے جو محنت کی ہے وہ سب کے سامنے ہے، اللہ سے دعا ہے کہ آپ پاکستان کے لیے لمبے عرصے تک اور اچھا کھیلیں اور آج کے دن کو خوب انجوائے کریں۔

???? @ShahnawazDahani received his T20I debut cap from @SarfarazA_54.#HarHaalMainCricket | #BANvPAK pic.twitter.com/zYNQ6dGCM9

— Pakistan Cricket (@TheRealPCB) November 22, 2021