دُر نایاب : ڈی جی ایل ڈی اے طاہر فاروق کا ایل ڈی اے ایونیو ون دفتر کا اچانک دورہ ،عملے کو کارکردگی بہتر بنانے کی ہدایت کر دی۔
ڈی جی ایل ڈی اے نے ایونیو ون کی ون ونڈو سیل کی ری ویمپنگ کے کام میں سست روی پر ناراضگی کا اظہار کیا ۔ڈی جی ایل ڈی اے نے افسران کو ہدایت کی کہ ون ونڈو سیل کی ری ویمپنگ کا بقیہ کام جلد از جلد مکمل کیا جائے۔
انہوں نے ایونیو ون میں تعینات افسران و عملے کی کارکردگی کا بھی جائزہ لیا ، ڈی جی ایل ڈی اے نے ایونیو ون دفتر میں آئے سائلین سے ان کے مسائل بارے میں دریافت کیا۔
ایونیو ون کا ایل ڈی اے سٹی سےمتعلقہ شہریوں کے مسائل بروقت حل نہ کرنے پر برہمی کا اظہار کیا ۔ڈی جی ایل ڈی اےنے کہا ہے کہ شہریوں کے مسائل کا حل اولین ترجیح ہے، بلاوجہ تاخیر قابل قبول نہیں ہوگی۔ طاہر فاروق کی جانب سے عملے کو کارکردگی بہتر بنانے کی ہدایت دی گئی ۔