عابد چودھری: ورچوئل ویمن پولیس سٹیشن نے طالبات کو ہراساں کرنے والا اوباش گرفتار کروا دیا۔

ایمرجنسی ہیلپ لائن 15 پرسکول جاتی بچیوں کو تنگ کرنے کی اطلاع موصول ہوئی۔کالر نے بتایا کہ ایک شخص روزانہ سکول جانے والی بچیوں کا پیچھا کرتا اور اشارے کرتا ہے۔ ورچوئل ویمن پولیس سٹیشن نے فوراً پولیس کو موقع پر بھجوایا اور بچیوں کی نشاندہی پر ملزم کو گرفتار کر لیا گیا،بچیوں نے ورچوئل ویمن پولیس سٹیشن کے تعاون کا شکریہ ادا کیا۔

ترجمان کا کہنا ہے کہ خواتین کسی بھی ایمرجنسی میں 15 پر کال کر کے 2 دبا کر ورچوئل ویمن پولیس سٹیشن سے رابطہ کر سکتی ہیں۔ واضح رہے کہ اب تک چھ ہزار سے زائد کیسز میں خواتین ورچوئل وویمن پولیس سٹیشن سے مدد حاصل کر چکی ہیں ۔