پاسپیڈا کا پیاف فاونڈر الائنس کو خیر باد کہہ کر میاں شفقت پیاف کی حمایت کا اعلان

شہزاد خان : لاہور چیمبر کی سیاست میں توڑ جوڑ کا سلسلہ جاری ہے ،پاسپیڈا نے پیاف فاونڈر الائنس کو خیر باد کہہ کر میاں شفقت پیاف کی حمایت کا اعلان کردیا۔اُدھر صدر بادامی باغ آٹو پارٹس مارکیٹ وقار احمد میاں نے بھی پاسپیڈا کی حمایت کا اعلان کردیا ۔
 صدربادامی باغ آٹو پارٹس مارکیٹ وقار احمد میاں نے کہا کہ پاسپیڈا جہاں کہے گی وہیں کھڑے ہونگے۔ یہ فیصلہ انجمن تاجران بادامی باغ کی سپریم کونسل کی جانب سے کیا گیا ہے۔ انہوں نے کہا کہ بادامی باغ آٹو پارٹس مارکیٹ کے تاجر اس وقت پاسپیڈا کیساتھ ہر لحاظ کھڑے ہیں اور چیمبر انتخابات میں پاسپیڈا کو ہی سپورٹ کریں گے۔ وقار احمد میاں نے کہا کہ پاسپیڈا واحد ایسی تنظیم ہے، جس کے باعث لاہور چیمبر کا ایک بڑا ووٹ بنک ہے، پاسپیڈا جس کیساتھ کھڑی ہوگی، وہ الائنس کامیابی سے ہمکنار ہو جائے گا۔