سٹی42 : ڈیفنس اے کے علاقے سے ایڈووکیٹ ذیشان حیدر کی گاڑی چوری ہو گئی جس کی سی سی ٹی وی فوٹیج بھی منظر عام پر آ گئی ہے۔
لاہور کے پارش علاقے ڈیفنس اے سے چور ایڈووکیٹ کی گاڑی لے اڑے ، فیز 4 سے چند روز قبل چوری ہونے والی گاڑی کی سی سی ٹی وی فوٹیج منظر عام پر آ گئی ۔ فوٹیج میں موٹرسائیکل پر آنیوالے ملزمان کو گاڑی لیجاتے دیکھا جا سکتا ہے۔
فوٹیج کے مطابق متاثرہ ایڈووکیٹ اپنی ٹیوٹا کرولا گاڑی رات 8 بجے گھر کے باہر کھڑی کرتا ہے۔فوٹیج میں موٹر سائیکل پر آنیوالے دو چور ساڑھے 8 بجے گاڑی لے کر فرار ہو جاتے ہیں۔
فوٹیج کے مطابق ملزمان گاڑی سٹارٹ کرنے سے پہلے صورتحال کاجائزہ لیتے ہیں۔
پولیس کا کہنا ہے کہ واردات کا مقدمہ درج کرلیا گیا ہے، تفتیش اے وی ایل ایس کو بھجوا دی ہے اور جلد ملزمان کا سراغ لگا لیا جائے گا۔