ویب ڈیسک: پاکستان کی معروف اداکارہ ثانیہ شمشاد کے ہاں ننھے مہمان کی آمد ،اداکارہ نے انسٹاگرام پر ایک بلیک اینڈ وائٹ تصویر شیئر کی جس میں وہ اپنے نومولود بچے کا ہاتھ تھامی ہوئی ہیں۔
تفصیلات کے مطابق ثانیہ شمشاد نے اپنی پوسٹ میں لکھا کہ آپ سب کو عیدالاضحیٰ مبارک۔انہوں نے اپنی پوسٹ میں مزید لکھا کہ عید کے اس پرمسرت موقع پر اللہ نے ہمیں ایک خوبصورت تحفے، ایک بیٹے سے نوازا ہے
View this post on Instagram
ثانیہ شمشاد نے اپنی پوسٹ میں مزید لکھا کہ 'ہمیں اپنی دعاؤں میں یاد رکھیں'۔اس سے قبل رواں برس مئی میں شیئر کی گئی ایک پوسٹ میں ثانیہ شمشاد نے بتایا تھا کہ ان کے ہاں جلد ننھے مہمان کی آمد متوقع ہے۔خیال رہے کہ اداکارہ ثانیہ شمشاد جولائی 2019 میں شادی کے بندھن میں بندھی تھیں۔
View this post on Instagram
ثانیہ شمشاد نے 2011 میں ڈراما سیریل ’تیرے پہلومیں ‘ سے اداکاری کا آغاز کیا تھا اور بہت کم عرصے میں مقبولیت حاصل کی تھی۔
وہ اداکاری کے علاوہ مختلف شوز میں میزبانی کے فرائض بھی انجام دے چکی ہیں۔
ثانیہ شمشاد نے ڈراموں میں سپورٹنگ کے علاوہ مرکزی کردار ادا کیے اور ڈراما سیریل ’صدقے تمہارے‘ میں ان کی اداکاری کو بہت زیادہ پسند کیا گیا تھا۔
ان کے مقبول ڈراموں میں 'پیا نام کا دیا'، 'اسیر زادی'، 'کیسی عورت ہوں میں'، 'نور بی بی'، 'دوسرا چہرہ'، 'اگر تم نہ ہوتی'، 'ایک بوند زندگی' شامل ہیں۔