سٹی42: پاکستان مسلم لیگ (ن) کے صدر شہباز شریف نے لاہور میں اپنی انتخابی مہم کا رسمی آغاز کر دیا۔ اتوار کے روز انہوں نے گجو متہ مین اپنے صوبائی اسمبلی کے حلقہ انتخاب کا مختصر وزٹ کیا، آج پیر کے روز وہ اپنے قومی اسمبلی کے حلقہ این اے 123 کا وزٹ کریں گے۔
شہباز شریف آج پیر 22 جنوری کو قومی اسمبلی کے اپنے حلقے NA123-لاہور کا دورہ کریں گے۔ شہباز شریف این اے 123 میں مسلم لیگ نون کے کارکنوں اور عہدیداروں سے ملیں گے اور عوام کے مسائل کے حل کے ایجنڈے پر بات کریں گے۔
پاکستان مسلم لیگ نون کی رہنما مریم اورنگزیب نے پارٹی صدر اور سابق وزیر اعظم و وزیر اعلیٰ پنجاب مین شہباز شریف کی انتخابی مہم کے پہلے دن کے متعلق اطلاع سوشل پلیٹ فارم ایکس پر اپنی پوسٹ میں دی ہے۔
مریم اورنگزیب نے یہ اطلاع دیتے ہوئے کہا کہ ہر گزرتے دن کے ساتھ شیر کی گونج ہر حلقے میں بڑھ رہی ہے۔
صدر پاکستان مسلم لیگ (ن) جناب شہباز شریف (آج) بروز پیر، 22 جنوری کو قومی اسمبلی کے اپنے حلقے NA123-لاہور کا دورہ کریں گے، کارکنوں اور عہدیداروں سے ملیں گے اور عوام کے مسائل کے حل کے ایجنڈے پر بات کریں گے۔
— Marriyum Aurangzeb (@Marriyum_A) January 21, 2024
ہر گزرتے دن کے ساتھ شیر کی گونج ہر حلقے میں بڑھ رہی ہے، ماشاءاللّٰہ pic.twitter.com/QTvtaEC1BT