(بسام سلطان)گیس کی بندش کیخلاف چونگی امرسدھو پر علاقہ مکینوں کی جانب سے احتجاج کیا گیا، فیروزپور روڈ ایک طرفہ سڑک کو بلاک کر کے مظاہرین انتظامیہ کیخلاف شدید نعرے بازی کرتےرہے،مظاہرے کے باعث ٹریفک کی روانی بری طرح سے متاثر رہی۔
گیس کی بندش کے باعث آئے روز شہر کے مختلف مقامات پر احتجاج معمول بن گئے ہیں، فیروزپور روڈ چونگی امرسدھو پر علاقہ مکینوں کے جانب سے سڑک کو بلاک کر کے احتجاج کیا گیا، شہر کی اہم ترین شاہراہ کی ایک طرف سڑک بلاک کر دینے سے ٹریفک کی روانی بری طرح متاثر رہی۔
کاہنہ سے چونگی امر سدھو تک گاڑیوں کی لمبی قطاریں لگی رہیں ، پولیس نے موقع پر پہنچ کر مظاہرین سے مذاکرات کئے، جس پر مظاہرین نے احتجاج ختم کردیا، مظاہرین کا کہنا تھا کہ اگر گیس کی فراہمی کو ممکن نہ بنایا گیا تو فیروزپور روڈ پر دھرنا دیں گے۔