ویب ڈیسک:میکسیکو کے معروف اور ہر دلعزیز ریسلر ری میسٹیریو سینیئر جو ڈبلیو ڈبلیو ای ہال آف فیم رے مسٹیریو جونیئر کے چچا اور ڈبلیو ڈبلیو ای اسٹار ڈومینک مسٹیریو کے بڑے چچا تھے 66 سال کی عمر میں انتقال کر گئے ہیں۔

تفصیلات کےمطابق خاندان کی جانب سے ان کی موت کی وجہ نہیں بتائی گئی۔ تاہم، ان کی موت سے چند ہفتوں قبل ان کے والد کی موت واقع ہوئی تھی۔

ریسلر ری میسٹیریو سینیئر میکسیکو میں میگوئل اینجل لوپیز ڈیاس میں پیدا ہوئے، مسٹیریو سینیئر نے پیشہ ورانہ ریسلنگ کی دنیا میں ایک اہم نام کمایا, انہوں نے جنوری 1976 میں اپنے کیریئر کا آغاز کیا اور مختلف پروموشنز کے عالمی مقابلوں میں حصہ لیا، ان میں پرو ریسلنگ ریویلیوشن، تیجوانا ریسلنگ اور ورلڈ ریسلنگ ایسوسی ایشن (ڈبلیو ڈبلیو اے) شامل ہیں۔

مسٹیریو سینیئر کو میکسیکو کی کشتی میں ایک نمایاں شخصیت کے طور پر جانا جاتا تھا اور انہوں نے ڈبلیو ڈبلیو اے ورلڈ جونیئر لائٹ ہیوی ویٹ چیمپیئن شپ سمیت متعدد چیمپیئن شپس جیتی ہیں۔ انہوں نے اپنے بھتیجے ری میسٹیریو جونیئر کے ساتھ ڈبلیو ڈبلیو اے ٹیگ ٹیم چیمپیئن شپ بھی جیتی ہے۔

ریسلنگ آئیکون، جنہیں اکثر اپنے بھتیجے سے الگ کرنے کے لیے ری میسٹیریو سینیئر کے نام سے جانا جاتا تھا، میسٹیریو ریسلنگ گروپ میں ایک اہم حیثیت رکھتے تھے، اس گروپ میں ان کے پوتے، ڈومینک اور پوتی عالیہ دونوں ڈبلیو ڈبلیو ای میں ریسلنگ کر رہے ہیں۔

رے مسٹیریو سینئر 50 سال کے قریب ریسلنگ کے شعبے سے وابستہ رہے,اپنے کیریئر کے دوران وہ نامور ریسلنگ کمپنیوں کا حصہ رہے جس میں پرو ریسلنگ ریوولوشن، ٹِجوانا ریسلنگ اور ورلڈ ریسلنگ ایسوسی ایشن شامل ہے۔

اپنے وسیع کیریئر  کے علاوہ رے مسٹیریو سینئر کئی پہلوانوں کو تربیت دینے کے لیے جانے جاتے ہیں جن میں ان کے بھتیجے اور تین بار کے ورلڈ چیمپئن رے مسٹیریو جونیئر بھی شامل ہیں، رے مسٹیریو سینئر ڈبلیو ڈبلیو ای کے اسٹار رے مسٹیریو کے چچا تھے۔