پشاور ہائی کورٹ نے ریٹائرڈ کیپٹن صفدر کو ریاستی اداروں کے خلاف تقریر کرنے کے کیس سے بری کردیا ۔
کیپٹن (ر) محمد صفدرکے خلاف بغاوت کے مقدمہ پر پشاور ہائیکورٹ نے محفوظ فیصلہ سنا دیا۔جسٹس لعل جان خٹک اور جسٹس مسرت ہلالی نے سماعت کی، جس میں کیپٹن (ر)صفدر کے خلاف بغاوت کا مقدمہ خارج کردیا گیا۔ فریقین کے دلائل مکمل ہونے پر فیصلہ آج محفوظ کیا تھا۔
واضح رہے کہ ہائیکورٹ احاطے میں اداروں کے خلاف مبینہ بیان پر صفدر کے خلاف مقدمہ درج کیا گیا تھا۔ کیپٹن (ر)صفدر کا کہنا تھا کہ میں تین سال پہلے یہاں عدالت آتا رہا، کسی نے انصاف دیکھنا ہے تو خیبرپختونخوا کے عدالت آئے۔