رائیونڈ روڈ پر کوسٹر اور مزدہ ٹرک میں تصادم، 2 افراد زخمی

(سٹی 42): رائیونڈ روڈ  پر کوسٹر اور مزدہ ٹرک کے درمیان تصادم کے نتیجے میں دونوں گاڑیوں کے ڈرائیور زخمی ہوگئے۔

تفصیلات کے مطابقلاہور میں رائیونڈ روڈ پر آج صبح خوفناک ٹریفک حادثہ پیش آیا، جہاں کوسٹر اور مزدہ ٹرک  آپس میں ٹکرا گئے۔جس کے نتیجے میں دونوں گاڑیوں کے ڈرائیور زخمی ہوگئے تاہم کوئی جانی نقصان نہیں ہوا، حادثے میں گاڑیوں کو بھی شدید نقصان پہنچا۔  حادثے کی اطلاع ملنے پر ریسکیو ٹیمیں جائے حادثہ پر پہنچ گئیں اور زخمی ہونے والے افراد کو طبی امداد کیلئے  جناح ہسپتال منتقل کردیا۔