فریحہ بتول: لاہور شہر میں شامل رمضان چوک آفتاب گارڈن کی سڑک خراب ہو کر گڑھوں کا گڑھ بن گئی، علاقہ مین سیوریج کا نظام سرے سے بنا ہی نہیں۔ ارکان اسمبلی ووٹ لینے کے لئے وعدے تو کر گئے لیکن ان پر عمل کرنا بھول گئے۔
آفتاب گارڈن کے رمضان چوک کی سڑک پر جابجا گڑھے علاقہ کے مکینوں کے لئے شدید پریشانی کا باعث بنے رہتے ہیں۔ ن گڑھوں سے ٹریفک کی روانی متاثر ہوتی ہے اور حادثات ہوتے رہتے ہیں۔
رمضان چوک آفتاب گارڈن کی سڑک عرصہ دراز سے ٹوٹ پھوٹ کا شکار ہے۔ سڑک کی خستہ حالی کے باعث حادثات ہونےلگے۔
شہریوں کا کہناہے سیوریج کانظام تو اس علاقہ میں کبھی تھا ہی نہیں۔ الیکشن سے پہلے رانا مبشر اور میاں عمران جاوید کے ساتھ بی بی وڈیری نے بھی اس علاقہ کے مسائل حل کرنے کا وعدہ کیا تھا، ہم اس وعدے کے وفا ہونے کا انتظار کر رہے ہیں۔
علاقہ کے مکینوں نے اپنے سیاسی نمائندوں اور حکام بالا سے سیوریج اور سڑک کے مسائل حل کرنے کی اپیل کی۔
