سٹی42:   فحش تصاویر اور ویڈیوز شیئر کر کے پاکستان تحریک انصاف کے دور حکومت میں اہم اداروں تک رسائی حاصل کرنے والی نام نہاد ٹک  ٹاکر حریم شاہ کی جانب سے سابق وزیر اعظم شہباز شریف پر الزام لگایا گیا جو کہ جھوٹا نکلا، ویڈیو بنانے والے  صحافی نے بھی حریم شاہ کے الزام کی تردید کر دی ۔

 جب  فیکٹ چیک کیا گیاتو حریم شاہ کی جانب سے لگایا گیا الزام جھوٹا اور بے بنیاد نکلا، یہاں تک کہ ویڈیو بھی پرانی نکلی جسے حریم شاہ نے غلط مطلب کیلئے استعمال کیا، دراصل یہ ویڈیو 6 سال پرانی ہے اور ویڈیو میں شہباز شریف کیساتھ کوئی اور نہیں بلکہ ان کے دیرینہ ساتھی اور ہر دلعزیز دوست چودھری نثار علی خان کی بیٹی  نتاشہ  نثار علی خان ہیں ۔

  حریم شاہ کی جانب سے شہباز شریف پر الزام لگایا گیا اور ساتھ میں ویڈیو بھی جاری کی گئی کہ شہباز شریف نے  لندن کے نجی ہوٹل میں "اپنی نئی گرل فرینڈ" سے دو گھنٹے طویل ملاقات کی ، پہلے ہوٹل لابی میں بیٹھ کر آدھ گھنٹہ چائے پی, پھر کمرے کی طرف چل پڑے۔

وڈیو 1 : 4 شادیاں کرنے والے شہباز شریف کی لندن کے نجی ہوٹل میں اپنی نئی "گرل فرینڈ" سے دو گھنٹے طویل ملاقات؟ پہلے ہوٹل لابی میں بیٹھ کر آدھ گھنٹہ چائے پی پھر کمرے کی طرف چل پڑے۔ کوئی شرم حیا؟@CMShehbaz pic.twitter.com/0Wv5kcuf7o

— Hareem Shah (@_Hareem_Shah) August 21, 2023

 دوسری جانب جس صحافی نے  یہ ویڈیو بنائی تھی اس نے سوشل میڈیا پلیٹ فارم پر  آکر حریم شاہ کو جھوٹا ثابت کرتے ہوئے تمام تفصیلات  شیئر کر دیں اور کہا کہ یہ ویڈیو میں نے آج سے تقریبا پانچ سال پہلے بنائی تھی، یہ ویڈیو چرچل ہوٹل کی لابی کی ہے،ہوٹل میں شہباز شریف کے ساتھ افضال بھٹی بھی موجود تھے، اس دن نواز شریف اپنی مرحومہ زوجہ کی عیادت کے بعد پاکستان واپس جا رہے تھے۔

یہ ویڈیو میں نے آج سے تقریبا پانچ سال پہلے بنائی تھی۔۔۔ یہ ویڈیو چرچل ہوٹل کی لابی کی ہے۔۔۔ہوٹل میں شہباز شریف کے ساتھ افضال بھٹی بھی موجود تھے۔ اس دن نواز شریف اپنی مرحومہ زوجہ کی عیادت کے بعد پاکستان واپس جا رہے تھے۔ https://t.co/u59bhewCvk

— Naeem Gillani (@NaeemGillani17q) August 21, 2023

واضح رہے کہ نام نہاد ٹک ٹاکر حریم شاہ نے اپنے  لیڈر عمران خان کو توشہ خانہ کرپشن کیس مین تین سال قید کی سزا ہونے کے بعد سوشل میڈیا پر 5 اگست کو دھمکی دی تھی  کہ وہ لوگوں کے متعلق نازیبا مواد پبلک کر دے گی۔ اس نے ایکس  پر پوسٹ کیا، "سننے والے سن لیں، اگر عمران خان صاحب کو گرفتار کرنے کی کوشش کی گئی تو اپنے فون میں موجود تمام تصاویر اور ویڈیوز سوشل میڈیا پر اپلوڈ کردوں گی"

جب اسی سہ پہر پولیس نے عمران خان کو لاہور سے گرفتار کر کے اٹک جیل پہنچا دیا تو  حریم شاہ نے اپنی دھمکی کے مطابق کسی بھی شخصیت کے متعلق کوئی مواد پبلک نہیں کیا تاہم دو ہفتے بعد اس نے اہل شریف ؒخاندان کی بیٹی کو  بے سبب بدنام کرنے  کے لئے ایک معمول کی سماجی ملاقات کی وڈیو کو غلط  دعوے کے ساتھ پوسٹ کر ڈالا۔ حریم شاہ کی روز اول سے ہی وجہ شہرت اخلاق سے گری ہوئی حرکتیں ہیں، تاہم اس کا آخری کارنامہ ایک ایسی ہستی کی شہرت پر کاری وار ہے جو کسی بھی سیاسی تنازعہ کا کبھی حصہ نہیں رہی اور جس کے کردار پر کبھی انگلی نہیں اٹھائی گئی۔