عائشہ کو کن ملزموں کے چہرے یاد ہیں، انہیں تھپڑ اور جوتے کیوں مارے؟ سب بتادیا

ویب ڈیسک: عائشہ اکرم کو کن ملزموں کے چہرے یاد ہیں؟ وہ سامنے آجائیں تو ان کے ساتھ کیا کریں گی؟

سٹی 42 کے پروگرام 'مجرم کون' میں  تشدد کا شکار بننے والی ٹک ٹاکر عائشہ اکرم سے جب مجرموں کی شناخت کے بارے میں سوال کیا گیا تو  اس پر عائشہ نے کہا کہ کچھ ایسے چہرے تھے جو کہ میرے سامنے ہونے کی وجہ سے نقش ہوگئے، دو ملزموں کو بالکل اچھی طرح پہچانتی ہوں، انہوں نے بتایا کہ ناخشگوار واقعے کے دوران دونوں ملزموں میں سے ایک نے جب میرے ساتھ دست درازی کی میں نے اسے تھپڑ جڑا تو وہ ہنسنے لگا۔

عائشہ نے مزید بتایا کہ جو جو میرے ساتھ بدتمیزی کر رہا تھا میں اس کو اپنے دفاع کیلئےجوتے بھی مار رہی تھی، عائشہ کو ایک اور آدمی بھی یاد ہے جو کہ اسے بار بار کہہ رہا تھا کہ تم یہاں پر کیوں آئی ہو؟ کس کے لئے آئی ہو؟  کس کے ساتھ آئی ہو؟ ساتھ ہی وہ ہراساں بھی کر رہا تھا۔

میزبان عامر ڈار نے جب پوچھا کہ یہ چہرے جب سامنے آجائیں تو آپ ان کے ساتھ کیا کریں گی؟ عائشہ نے جواب دیتے ہوئے کہا کہ شائد میں ان کو نوچ ڈالوں، جب بھی مجھے وہ وقت یاد آتا ہے تو کانپ اٹھتی ہوں، خدا نہ کرے کہ کبھی کسی کی ماں، بہن یا بیٹی کے ساتھ ایسا واقعہ پیش آئے۔