سعید احمد سعید:عازمین کی حجاز مقدس روانگی کا معاملہ، پاکستانی ایئرپورٹ پر روڈ ٹو مکہ منصوبے کے تحت تیاریاں شروع کردی گئیں۔
عازمین کی امیگریشن کیلئے 6کاونٹر بنائے جائیں گے، کاونٹرپر سعودی امیگریشن کا عملہ عازمین کی روڈ ٹو مکہ منصوبے کے تحت عازمین کی امیگریشن کا عمل مکمل کرے گا، 35سے زائد سعودی ٹیکنیکل ٹیم اور امیگریشن کا عملہ کل کراچی پہنچے گا۔
عازمین کیلئے23اور24 برج مختص کئے گئے ہیں، عازمین کے بیٹھنے کی سہولت کیلئے انتظامات کئے جارہے ہیں،رواں سال بھی کراچی سے جانیوالے عازمین روڈ ٹو مکہ منصوبے کے تحت مستفید ہوں گے، حج آپریشن 28اور29اپریل سے شروع ہوجائے گا۔
ایئرپورٹ انتظامیہ کا کہنا تھا کہ ایئرپورٹ پر25تاریخ تک تمام انتظامات مکمل کرلئے جائیں گے، عازمین ہر ممکن سہولت فراہم کرنے کیلئے انتظامات کئے جارہے ہیں۔