سٹی42: وزیرِ اعلیٰ پنجاب مریم نواز شریف کا ارتھ ڈے (Earth Day) پر پیغام، کہا کہ زمین صرف ہماری نہیں، آنے والی نسلوں کی بھی امانت ہے۔
مریم نواز شریف کا کہنا تھا کہ زمین کے تحفظ کے لئے ہمیں قدرتی وسائل اور درختوں کو بچانا ہے،زمین کو محفوظ بنانے کے لئےآلودگی اور موسمیاتی تبدیلیوں کے چیلنجز کا مقابلہ کرنا ہے ۔
پنجاب حکومت قدرتی مسکن کی حفاظت کے مشن میں سب سے آگے ہے،حکومت پنجاب نے زمینی ماحولیاتی تحفظ کو اپنی پالیسی کا مرکزی حصہ بنایا ہے۔
زمین کے تحفظ کےلئے سرسبز پنجاب مہم کے تحت لاکھوں درخت لگائے جا چکے ہیں، پنجاب میں پاکستان کی پہلی سمارٹ انوئرمنٹ فورس قائم کردی گئی ہے، کارخانوں کی نگرانی کی جارہی ہے، فصلوں کی باقیات جلانے کی روک تھام کے لئے سپر سیڈر دیے جا رہے ہیں۔
پنجاب نے پاکستان کی پہلی جامع کلائمیٹ پالیسی متعارف کرائی ہے، صنعتی آلودگی پر قابو پانے کے لیے خودکار مانیٹرنگ سسٹم لارہے ہیں، مل جل اپنی زمین کو بہتر،اور سرسبز بنانے کا عزم کرتے ہیں۔