سٹی42: پی ٹی آئی لاہور کے جلسے میں قافلے کے ہمراہ شرکت کے لیے آنے والے وزیراعلی خیبر پختونخوا علی امین گنڈاپور نے غصے میں کلاشنکوف سے ٹرک کے شیشے توڑ دیے۔
وزیراعلیٰ خیبر پختونخوا علی امین گنڈاپور نے غصے کے عالم میں کلاشنکوف کے بٹ مار کر ایک ٹرک کے شیشے توڑ دیے۔ ٹرک کو دیکھ کر بظاہر معلوم ہوتا ہے کہ ٹرک کنٹینر کو لے کر کھڑا ہے۔
قبل ازیں وزیراعلی کے پی علی کے قافلے نے زبردستی لاہور سیالکوٹ موٹروے انٹرچینج سے لاہور داخل ہونے کی کوشش کی، پولیس کے روکنے پر علی امین گنڈا پور کے سیکورٹی گارڈز کی پنجاب پولیس کے جوانوں کے ساتھ تلخ کلامی کی ، اور زبردستی ٹریفک کھلوا دی ، علی امین کے ہمراہ سپیشل کمانڈو فورس اور سادہ کپڑوں میں ملبوس اسلحہ بردار جوانوں نے زبردستی سڑک کھلوائی، پنجاب پولیس نے پچھے ہٹ کر علی امین گنڈا پور کے قافلے کو جانے دیا، جس کے بعد وزیراعلی کے پی علی امین گنڈا پور کا قافلہ لاہور داخل ہوا۔
خیال رہے کہ لاہور میں پاکستان تحریک انصاف کے جلسے کا وقت ختم ہوگیا جس کے بعد پولیس نے جلسہ گاہ کا کنٹرول سنبھالتے ہوئے اسٹیج خالی کرادیا۔