ویب ڈیسک:تحریک انصاف نے لانگ مارچ سے پہلے حکومتی اتحادیوں سے ملاقاتوں کا فیصلہ کرلیا ، جس میں اتحادیوں کوحکومت چھوڑنے پر قائل کرنے کی کوشش کی جائے گی۔

تفصیلات کے مطابق پاکستان تحریک انصاف نے احتجاج کی فائنل کال سے پہلے حکومتی اتحادیوں سےملاقاتوں کا فیصلہ کرلیا۔ذرائع نے کہا کہ لانگ مارچ سے پہلے اتحادیوں کو حکومت چھوڑنے پر قائل کرنےکی کوشش ہوگی۔

اس حوالے سے رہنما پی ٹی آئی نے بتایا کہ ان جماعتوں سے رابطےتوپہلے ہی تھےتاہم سیلاب کی وجہ سے ملاقاتیں شروع نہ ہوسکیں لیکن اب ائندہ ہفتے سے ملاقاتوں کا سلسلہ بھی شروع کررہے ہیں۔

تحریک انصاف کے اہم رہنما نے اے ار وائی نیوز کو بتایا کہ ایم کیوایم حکومت سے بہت تنگ ہے اور ان سے ۔ پی ٹی ائی رہنما عمران اسماعیل پہلے ہی رابطے میں ہیں۔

رہنما کا کہنا تھا کہ بلوچستان نیشنل پارٹی اور بلوچستان عوامی پارٹی سمیت حکومت کے دیگر اتحادیوں سے بھی ملاقاتیں کی جائیں گی ، جس میں ان جماعتوں کے رہنماوں کو قائل کیا جائے گا کہ حکومت کو چھوڑ دیں۔

ذرائع کے مطابق ان جماعتوں سےملاقاتوں کا سلسلہ ایک ماہ قبل شروع ہونا تھا لیکن سیلاب کی صورتحال کے پیش نظر ایسا نہ ہوسکا تاہم اب ائندہ ہفتے سے ملاقاتوں کا اغاز ہوگا۔

اتحادیوں سے ملاقاتوں کے لیے تحریک انصاف کےچیرمین عمران خان نے پرویزخٹک کی سربراہی میں چار رکنی ٹیم تشکیل دے رکھی ہے، ٹیم کےارکان میں اسدعمر، فواد چوہدری اوراسد قیصر شامل ہیں۔