(ویب ڈیسک) پاکستان کرکٹ ٹیم کے بائیں ہاتھ والے اٹیک بولر شاہین شاہ آفریدی گزشتہ روز آئی سی سی ورلڈ کپ 2023 میں آسٹریلیا کے خلاف 5 وکٹیں حاصل کر کے ایک اور ریکارد توڑنے کے قریب پہنچ گئے۔
پاکستان کے سٹار فاسٹ بولر شاہین آفریدی بھارت میں جاری آئی سی سی ورلڈ کپ 2023 کے دوران ایک اور ریکارڈ توڑنے کے قریب پہنچ گئے، اس وقت 48 میچوں میں 95 وکٹیں لینے والے فاسٹ بولر پاکستان کے لیے ون ڈے میں 100 وکٹیں حاصل کرنے والے تیز ترین کھلاڑی بن سکتے ہیں۔
پاکستان کے مایہ ناز آف سپنر ثقلین مشتاق اس وقت 53 میچوں میں 100 وکٹیں حاصل کرنے والے بولر ہیں اور تیز ترین 100 وکٹیں حاصل کرنے کا اعزاز رکھتے ہیں، لیجنڈری آف سپنر ثقلین مشتاق کا ریکارڈ توڑنے کے لیے شاہین کو اپنے اگلے 4 میچوں میں 5 وکٹیں حاصل کرنا ہوں گی۔