ویب ڈیسک: اداکارہ علیزے شاہ سوشل میڈیاپرکافی ایکٹیورہتی ہیں،وہ اپنی تصاویراورویڈیوزسوشل میڈیاکے مختلف پلیٹ فارمز پر اپ لوڈکرتی رہتی ہیں،حال ہی میں انہوں نے اپنی ایک بولڈ ویڈیوجاری کی ہے جس پر انہیں تنقیدکاسامناہے۔
پاکستان شوبز کی اداکارہ و ماڈل علیزے شاہ ان دنوں تنازعات کی زد میں ہیں جس کی وجہ ان کی بولڈ تصاویر اور ویڈیوز ہیں جس کی وجہ سے انہیں سوشل میڈیا پر کڑی تنقید کا سامنا کرنا پڑتا ہے جبکہ اداکارہ اس تنقید پر جواب دیتی بھی دکھائی دیتی ہیں۔
علیزے شاہ نے انسٹاگرام پر اپنی ایک اور بولڈ ویڈیو جاری کی ہےجس نے سوشل میڈیا صارفین اور ان کے مداحوں کو حیرت میں ڈال دیا ہے۔ویڈیو میں دیکھا جاسکتا ہے کہ اداکارہ نے انتہائی چھوٹا اسکرٹ اور ٹاپ پہن رکھا ہے اور وہ گھٹنوں کے بل بیٹھی ڈانس کر رہی ہیں۔اس ویڈیو کے سامنے آنے کے بعد سوشل میڈیا پر اداکارہ کو شدید تنقید کا نشانہ بنایا جارہا ہے اور ناقدین اس ویڈیو کو اداکارہ کی اب تک کی سب سے بدترین بولڈ ویڈیو قرار دیتے ہوئے ان پر سخت جملے استعمال کر رہے ہیں۔
کچھ صارفین کا کہنا ہے کہ علیزے شاہ کو والدین کی مناسب رہنمائی کی ضرورت ہے جبکہ دیگر صارفین کی جانب سے ان کے رویے پر مایوسی کا اظہار کیا جا رہا ہے۔مداحوں کے مطابق اداکارہ کا حالیہ رویہ ان کی شخصیت کو متاثر کر رہا ہے اور ان کو اصلاح کی ضرورت ہے، اداکارہ کی یہ ویڈیو انٹرنیٹ پر آگ کی طرح پھیل رہی ہے۔
یاد رہے کہ پاکستانی اداکارہ علیزے شاہ اپنی خوبصورتی اور اداکاری کی وجہ سے بے حد مقبول ہیں اور انسٹاگرام پر ان کے 4.3 ملین سے زائد فالوورز ہیں۔ انہوں نے کئی ڈراموں میں اداکاری کے جوہر دکھائے ہیں جن میں عشق تمنا، عہدِ وفا، میرا دل میرا دشمن، دل موم کا دیا، محبت کی آخری کہانی، کھیل، تقدیر، اور جو تُو چاہے شامل ہیں۔ علیزے شاہ ماڈلنگ کے میدان میں بھی کامیاب رہی ہیں۔ ان کی خوبصورتی اور دلکش انداز نے انہیں متعدد برانڈز کے لیے مشہور بنایا۔ وہ کئی میوزک ویڈیوز میں بھی جلوہ گر ہو چکی ہیں، جہاں ان کی اداکاری اور اسٹائل کو بے حد پسند کیا گیا۔