سٹی42: انٹرنیشنل کریمینل کورٹ کے پراسیکیوٹر کریم خان نے اسرائیل کے وزیراعظم اور وزیردفاع کے وارنٹ گرفتاری جاری کرنے کی درخواست جمع کروا دی ۔کریم خان نے حماس کے 3 لیڈروں یحییٰ سنوار، اسمعیل ہنیہ اور دیاب ابراہیم المصری کے بھی وارنٹ گرفتاری جاری کرنے کی درجواست کر دی۔
اسماعیل ہانیہ حماس کے سیاسی شعبہ کے سربراہ ہیں اور احمد دیاب ابراہیم المصری لقسام بریگیڈ کے سرپراہ ہیں جبکہ یحییٰ سنوار غزہ میں حماس کے عسکری ونگ کا انچارج ہے اور 7 اکتوبر کو اسرائیل پر ہونے والے حملوں کا منصوبہ ساز اور چیف کمانڈر بھی وہی ہے۔
اسرائیل نے وزیراعظم نیتن یاہو اور وزیر دفاع یوآو گیلانت کی گرفتاری کے وارنٹ جاری کرنے کی درخواست پرردعمل دیتے ہوئے اسے "آئی سی سی" کا برا اقدام اور عالمی عدالت کے لئے تاریخی بدنامی کا سبب بننے والا فعل قرار دیا ہے۔
امریکہ کے صدر جوبائیڈن نے بھی آئی سی سی کے پراسیکیوٹر کریم خان کی جانب سے اسرائیلی وزیراعظم اور وزیردفاع کے وارنٹ گرفتاری کی درخواست کو اشتعال انگیز قرا ردیا ہے۔