اسرار خان: لاہور میں مختلف واقعات کے دوران مزید 2 افراد جان کی بازی ہار گئے ۔ 

ایدھی ترجمان کے مطابق ہنجروال، ملتان روڈ اورنج اسٹیشن کے قریب راہ گیر نوجوان مردہ حالت میں ملا، متوفی کی شناخت 19 سالہ اسد کے نام سے ہوئی، جو شیخوپورہ کا رہائشی تھا۔ ترجمان نے بتایا کہ ہلاکت بظاہر طبعی موت معلوم ہوتی ہے، لاش کو مردہ خانے منتقل کردیا گیا۔ 

 ایدھی ترجمان کا کہنا ہے کہ داتا دربار، پناہ گاہ کے قریب فٹ پاتھ سے ایک شخص مردہ حالت میں ملا، متوفی کی شناخت 40 سالہ ثقلین مسعود کے نام سے ہوئی، جو سرائے عالمگیر کا رہائشی تھا۔ ترجمان نے بتایا کہ متوفی نشے کا عادی تھا، ہلاکت بظاہر نشے کی زیادتی کے باعث ہوئی ۔ پولیس کارروائی کے بعد لاش مردہ خانے منتقل کر دی گئی۔