سٹی42 : قومی ٹیم کے فاسٹ بولر نسیم شاہ اپنے والد کے ہمراہ عمرہ کی سعادت حاصل کرنے کیلئے سعودی عرب پہنچ گئے۔
نسیم شاہ نے بھی اپنے والد کے ہمراہ حال ہی میں ختم ہونے والی پاکستان سپر لیگ کے بعد رمضان المبارک کی برکتیں سمیٹنے کیلئے سعودیہ کا رخ کرلیا۔
چوہدری عثمان مشتاق نے نسیم شاہ اور اُن کے والد کی ویڈیو سوشل میڈیا پر شیئر کی جس میں وہ احرام باندھے نظر آ رہے ہیں۔
علاوہ ازیں بابر اعظم، افتخار احمد اور امام الحق بھی عمرہ کی ادائیگی کے لیے مکہ پہنچ چکے ہیں۔