ویب ڈیسک:وزیر صحت پنجاب ڈاکٹر یاسمین راشد نے اپنی موت سے متعلق جھوٹی خبروں پر رد عمل دیا ہے۔

تفصیلات کے مطابق صوبہ پنجاب کی وزیر صحت ڈاکٹر یاسمین راشد سے متعلق سوشل میڈیا پر خبریں گردش کررہی تھیں کہ ان کی طبیعت انتہائی ناساز ہے اور کچھ صارفین نے تو ان کی انتقال کی جھوٹی خبریں بھی پھیلائیں تاہم صوبائی وزیر نے اب ان خبروں کی تردید کردی ہے۔

سماجی رابطے کی ویب سائٹ پر ٹوئٹ کرتے ہوئے وزیر صحت پنجاب ڈاکٹر یاسمین راشد کا کہنا تھا کہ میرے متعلق فکر مند ہونے اور دعاؤں میں یاد رکھنے پر تمام لوگوں کا شکریہ ادا کرتی ہوں اور میں بالکل خیریت سے ، صحت مند اور زندہ ہوں۔

I would like to thank everyone for their prayers and concern.
I am Alhamdolillah quite well and very much alive ????
Any other news is just fake news.

— Dr. Yasmin Rashid (@Dr_YasminRashid) March 20, 2022

صوبائی وزیر نے کہا کہ سوشل میڈیا پر میری صحت سے متعلق چلنے والی سب خبریں جھوٹی اور من گھڑت ہیں۔واضح رہے کہ ڈاکٹر یاسمین راشد کینسر جیسے موذی مرض میں مبتلا ہیں۔