فوادچودھری کی کورونا ٹیسٹ رپورٹ بھی آگئی 

سٹی42: فوادچودھری کی کورونا ٹیسٹ رپورٹ بھی آگئی، اپنے ٹویٹر پر تصدیق کرتے ہوئے فواد چوہدری نے بتایا کہ ”میرا کورونا ٹیسٹ منفی آیاہے “ ۔ کورونا ٹیسٹ منفی آنے پر انہوں نے اللہ کا شکر ادا کیا۔
تفصیلات کے مطابق وفاقی وزیر سائنس وٹیکنالوجی فوادچودھری کی کورونا ٹیسٹ کی رپورٹ منفی آگئی۔ وفاقی وزیر نے ٹوئٹر پر تصدیق کرتے ہوئے کہاکہ میرا کورونا ٹیسٹ منفی آیا ہے، ان کاکہناتھا کہ مجوزہ طریقہ کار کے مطابق کورونا کا ٹیسٹ کرایا،الحمدللہ ایک بار پھر نتیجہ منفی ہے، فوادچودھری کاکہناتھا کہ خداسب کو اپنی حفاظت میں رکھے۔

واضح رہے کہ قبل ازیں وزیراعظم عمران خان اور ان کی اہلیہ خاتون اول بشریٰ بی بی کورونا وائرس کا شکار ہوگئی تھیں، معاون خصوصی برائے اوورسیز زلفی بخاری نے ٹویٹ میں تصدیق کی تھی۔ ٹویٹ میں زلفی بخاری نے وزیراعظم اور ان کی اہلیہ کیلئے نیک خواہشات کا اظہار کیا تھا، ان کاکہناتھا کہ اللہ پاک وزیر اعظم اور خاتون اول کا جلد صحت یابی عطا فرمائے۔ دنیا بھر میں کورونا کیسز کی بڑھتے ہوئے کیسز کے پیش نظر اقدامات جاری ہیں اور معمولات زندگی بری طرح متاثر ہوئے ہیں۔ عوام مشکلات کو مدنظر رکھتے ہوئے پاکستان میں سمارٹ لاک ڈاﺅن کا نفاذ کیا گیا۔