سٹی 42: لاہور کے علاقے گرین ٹاؤن میں مقدس عبادت گاہ کو شراب کی بھٹی بنا دیا گیا۔

تفصیلات کے مطابق گرین ٹاؤن کے علاقے میں مسجد کے کوارٹر میں شراب بنانے کا انکشاف ہوا ہے، اس گھناؤنے کام  میں  ملوث ملزم نعیم عرف نبوں نے جامعہ مسجد حنفیہ غوثیہ کیر کلاں گاؤں کا کوارٹر کرائے پر لے رکھا تھا۔

ملزم نے مسجد کے کوارٹر میں شراب کی بھٹی بنا رکھی تھی، ملزم کو گرفتار کر کے مقدمہ درج کر لیا گیا۔  ملزم کے خلاف عبادت گاہ کا تقدس پامال کرنے کا مقدمہ درج کر لیا گیا۔  پولیس نے موقع سے تیار اور خام مال برآمد کیا۔ پولیس نے ملزم کے خلاف دو روز قبل کارروائی کی۔