ویب ڈیسک : صدر پاکستان آصف علی زرداری ملک کی سابق وزیراعظم محترمہ بے نظیر بھٹو شہید کی 71ویں سالگرہ کے موقع پر جمعہ کو گڑھی خدابخش پہنچ گئے۔
صدر مملکت کی گڑھی خدابخش آمد کے موقعے پر پی پی پی رہنما جمیل احمد سومرو ، ایم پی اےسہیل انور سیال،غلام مصطفی لغاری و دیگر نے خیرمقدم کہا۔ صدر مملکت نے بھٹو خاندان کے قبرستان پر حاضری دی اور شہید بے نظیر بھٹو، شہید ذوالفقار علی بھٹو و دیگر کے مزاروں پر پھولوں کی چادریں چڑھائیں اور فاتحہ خوانی کی۔
آصف علی زرداری نے قرآن پاک کی تلاوت کی اور کچھ دیر مزارات کے اندر موجود رہے۔ اس موقع پر صدر آصف علی زرداری کی ہمشیرہ فریال تالپور ان کے ہمراہ تھیں ۔