سٹی 42 : ضلعی انتظامیہ کی جانب سے غیرقانونی ایل پی جی دکانیں، منی پٹرول پمپ کیخلاف کریک ڈاؤن کیا گیا۔ 

ضلعی انتظامیہ کی جانب سے کیے گئے کریک ڈاؤن میں 91مقامات کی چیکنگ کی گئی، قوانین کی خلاف ورزی پر23کیخلاف کارروائی کی گئی اور سامان ضبط کرلیا گیا۔ کارروائی میں 234 ایل پی جی سلنڈر، 19 ویٹ مشینیں اور 13 ریفلنگ مشینیں ضبط کی گئیں۔ 

علامہ اقبال زون میں کی گئی کارروائی میں 80 کمرشل سلنڈرز، 5 ویٹ اور 5 ریفلنگ مشینیں ضبط کی گئیں، سمن آباد زون میں 7 کمرشل سلنڈرز، 2 ویٹ مشینیں اور 1 ریفلنگ مشین ضبط کی گئی۔ گلبرگ زون میں 70 کمرشل سلنڈرز، 3ویٹ مشینیں اور 1 ریفلنگ مشین کو ضبط کیا گیا۔ داتا گنج بخش زون میں 73 کمرشل سلنڈرز، 8 ویٹ مشینیں اور 6 ریفلنگ مشینیں ضبط کی گئیں۔ اس کے علاوہ راوی زون میں 32 کمرشل سلنڈرز، 1 ویٹ مشین اور 5 ریفلنگ مشینیں ضبط کی گئیں ۔