سٹی42: سپیکر پنجاب اسمبلی ملک محمد احمد خان سے ایران کے سفیر ڈاکٹر رضا امیری مقدم کی ملاقات ، مرحوم ایرانی صدر ابرہیم ریئسی کے ایصال ثواب کیلئے فاتحہ خوانی کی گئی۔
پاکستان میں موجود ایران کے سفیر ڈاکٹر رضا امیری مقدم نے پنجاب اسمبلی میں سپیکر ملک محمد احمد خان سے ملاقات کی جس میں قونصل جنرل ایران مہران مواحد فر بھی موجود تھے۔ ملاقات میں سیکرٹری جنرل پنجاب اسمبلی چودھری عامر حبیب، سٹاف آفیسرعماد حسین بھلی اور ترجمان پنجاب اسمبلی راؤ ماجد علی بھی موجود تھے۔
ملاقات کے دوران مرحوم ایرانی صدر ابرہیم ریئسی کے ایصال ثواب کیلئے فاتحہ خوانی کی گئی، پارلیمانی اور اقتصادی تعلقات کو فروغ دینے پر تبادلہ خیال بھی کیا گیا۔
اس موقع پر سپیکر پنجاب اسمبلی ملک محمد احمد خان کا کہنا تھا کہ مرحوم صدر ابراہیم رئیسی بہت بڑے سکالر اور مسلم امہ کے لیڈر تھے ، مسلم امت کیلئے ابراہیم رئیسی کی شہادت نا قابلِ تلافی نقصان ہے۔