(شاہد ندیم سپرا)لیسکو ڈھولنوال سب ڈویژن کے علاقے میں آپریشن کے دوران کولڈ سٹوریج سے لاکھوں روپے کی بجلی چوری پکڑ کر کنکشن منقطع کر دیا گیا۔
لیسکو ڈھولنوال سب ڈویژن کی ٹیم نے بکر منڈی کے علاقے میں کولڈ سٹوریج پر چھاپا مارا اس دوران کولڈ سٹوریج میں لاکھوں روپے کی بجلی چوری پکڑی گئی۔
ایس ڈی او ڈھولنوال سب ڈویژن عرفان علی نے بتایا کہ ملزمان ٹرانسفارمر سے براہ راست کنڈا لگا کر بجلی چوری کر رہے تھے جس کی وجہ سے ملزمان کے خلاف متعلقہ تھانے میں مقدمہ درج کروا دیا گیا، ایس ڈی او عرفان علی نے مزید بتایا کہ ملزمان کو ڈیٹیکشن بل چارج کرنے کے لیے بھی محکمانہ کارروائی شروع کردی گئی ہے۔