(ویب ڈیسک)بھارت کے معروف کامیڈی پروگرام 'دی کپل شرما شو' کے میزبان کپل شرما نے پہلی بار عوام کے اصرار پر بیٹے 'تریشان' کی تصویر شیئر کردی۔
گزشتہ روز فادرز ڈے کے موقع پر کامیڈین نے فوٹو شیئرنگ ایپ انسٹاگرام پر بیٹی انائرا اور بیٹے تریشان کے ہمراہ خوبصورت تصویر شیئر کی۔کیپشن کے مطابق انہوں نے دونوں بچوں کی ایک ساتھ تصویر عوام کے اصرار پر شیئر کی ہے۔
کپل شرما کی شادی 2018 میں بھارتی اداکارہ گِنی چتراٹھ سے ہوئی تھی جس کے بعد ان کے گھر انائرا کی پیدائش ہوئی۔ کپل شرما کے ہاں تریشان کی پیدائش رواں برس فروری میں ہوئی تھی۔ واضح رہے کہ رواں سال ہی کپل شرما نے سماجی رابطے کی ویب سائٹ پر ٹوئٹ کرتے ہوئے اپنے مداحوں کو بیٹے کی پیدائش کی خوشخبری دی تھی۔