زین مدنی: پاکستانی اداکارہ ہانیہ عامر نے بالی ووڈ کی متنازعہ اداکارہ راکھی ساونت کی جانب سے کیے گئے چیلنج کا دلکش اور خوشگوار انداز میں جواب دیا ہے۔
راکھی ساونت نے ہانیہ عامر سمیت اداکارہ دیدار اور نرگس کو چیلنج کیا تھا، جس پر ہانیہ عامر نے راکھی کی آڈیو پر لپ سنگ کرتے ہوئے ویڈیو بنائی۔ ویڈیو میں ہانیہ نے راکھی ساونت کے جملوں پر خوشگوار انداز میں ردعمل دیا اور انہیں بڑے پیار سے پیش کیا۔
ہانیہ عامر نے ویڈیو کے کیپشن میں لکھا "راکھی جی آئیکون" اور اس کے ذریعے اپنی محبت بھری رائے کا اظہار کیا۔
یہ ویڈیو سوشل میڈیا پر خوب وائرل ہورہی ہے اور مداحوں کی جانب سے ہانیہ کی اس چالاکی اور پرمزاح انداز کو خوب سراہا جا رہا ہے۔
واضح رہے کہ راکھی ساونت اور بھارتی اداکارہ و رقاصہ نورا فتیحی کے درمیان ایک شو کے حوالے سے تنازعہ ہوا جہاں دونوں کو ایک ساتھ پرفارم کرنا تھا لیکن نورا فتیحی آخری وقت پر شو میں شریک نہ ہوئیں حالانکہ انہوں نے راکھی سے دگنی فیس لینے کا وعدہ کیا تھا۔ اداکارہ نے نورا فتیحی کو مخاطب کرتے ہوئے کہا کہ انہیں پاکستانیوں کی عزت کرنے چاہیے، میں نے ایک بھارتی ہوکر پاکستان کو پیار دیا کیونکہ میں نے پاکستان کا نمک کھایا ہے اور مجھ سے پیار کرنے والے زیادہ مداح پاکستانی ہیں’۔
انہوں نے یہ بھی کہا کہ وہ اپنے پاکستانی مداحوں سے بےحد محبت کرتی ہیں اور پاکستان کے لیے ہمیشہ وفادار رہیں گی اور کبھی کسی کو ان کے خلاف کچھ کہنے نہیں دیں گی۔اسی انٹرویو میں راکھی نے خود کو آئٹم گرل اور کوئین آف رئیلٹی شو قرار دیتے ہوئے پاکستانی اداکارہ ہانیہ عامر، نرگس اور دیدار کو اوپن ڈانس چیلنچ بھی دے ڈالا اور کہا کہ میں انڈیا کی نمبر ون ڈانسر ہوں ان سب کو میں شکست دے سکتی ہوں کیونکہ میں 24 گھنٹے ڈانس کرسکتی ہوں’۔
ایک جانب پاکستان سے محبت اور انڈیا کی شہری ہونے کے باوجود اس سے بغاوت کرنے پر سوشل میڈیا صارفین راکھی ساونت کیلئے کمنٹ سیکشن میں ملے جلے تبصروں کا اظہار کر رہے ہیں جبکہ بھارتی صارفین راکھی ساونت کو شدید تنقید کا نشانہ بھی بنارہے ہیں۔