سٹی42 : انگلینڈ کی پرنسس کیٹ مڈلٹن کے کینسر کے علاج کی تفصیلات سامنے آ گئیں۔
پرنسس کیٹ مڈلٹن، جنہوں نے ستمبر میں خود کو لاحق کینسر سے نجات کے لئے کیموتھراپی کا علاج مکمل کیا، اب کینسر سے پاک رہنے پر توجہ مرکوز کر رہی ہیں۔

ویلز کی شہزادی نے گزشتہ سال مارچ میں یہ اعلان کر کے دنیا کو  پریشان کر دیا تھا  کہ وہ کینسر کی ایک غیر متعینہ شکل سے لڑ رہی ہیں۔کینسر کی  روک تھام کے لئے کیموتھراپی سے گزرنے کے بعد، پرنسس کیٹ نے انکشاف کیا ہے کہ ان کا کینسر 2025 تک کنٹرول ہو چکا ہے۔

شہزادی کیتھرین کے پرستار متجسس ہیں کہ کیا  "کولڈ کیپ تھراپی" نے واقعی پرنسس کے بالوں کو بچانے میں کوئی کردار ادا کیا ہے۔

امریکن کینسر سوسائٹی کے مطابق کولڈ کیپ تھراپی ایک قسم کا علاج ہے "جو کیموتھریپی کے ضمنی اثر سے بالوں کے جھڑنے کو کم کرتا ہے"۔

امریکن کینسر سوسائٹی کے مطابق  "وہ ایک خصوصی ٹوپی کو ایک خودکار ڈیوائس سے جوڑ کر کام کرتے ہیں جو مقرر کردہ خاص درجہ حرارت پر ٹھنڈے ہوئے مائع یا جیل کو گردش میں رکھتی ہے۔"

"خودکار کولڈ کیپس صرف ٹھوس ٹیومر کینسر سے متعلق کیمو  تھراپی کے دوران ضمنی اثر سےمتاثرہ بالوں کے گرنے  کا رجحان روکنےکے لیے منظور کیے جاتے ہیں، یہ تھراپی خون کے کینسر ک کے دوران کیم کے اثرات روکنے لیے کارگر نہیں ہوتی۔"

جنوری 2025 میں لندن کے ایک ہسپتال کا دورہ کرتے ہوئے،پرنسس کیٹ نے کیتھرین فیلڈ نامی ایک مریض سے بات کی، جس نے بتایا کہ انہوں نے کولڈ کیپنگ کے بارے میں بات کی، ایک ایسا علاج جس سے وہ اس وقت گزر رہی تھیں۔

"یہ بالکل ایسا ہی تھا جیسے کسی دوست سے زندگی کے ایک خوفناک وقت کے بارے میں بات کرنا اور آپ اس سے گزرنے کے طریقے کیسے تلاش کرتے ہیں۔ 'نئے معمول کو تلاش کرنا' وہی ہے جو اس نے کہا، جو بالکل سچ ہے،"  پرنسس کیٹ کو کولڈ کیپ کے استعمال کے بارے میں بتانے والی خاتون نے اپنے کیمو تھراپی کے دوران کولڈ کیپنگ کے  ذریعہ بال بچا لینے کے تجربے کے بارے میں بات کرنے سے پہلے 16 جنوری 2025 کو لوگوں کو بتایا۔

"میں اس سے نفرت کرتی ہوں، لیکن مجھے لگتا ہے کہ یہ کام کرتا ہے. آج تھوڑے بہت  بال گر رہے ہیں، لیکن میں بالوں کے اس گرنے میں تاخیر کرنے کی کوشش کر رہی ہوں۔"

جب ان سے پوچھا گیا کہ کیا کیٹ نے اپنے کینسر کے علاج کے دوران کولڈ ٹوپی استعمال کرنے کا ذکر کیا ہے، تو انہوں نے جواب دیا، "اس نے صرف اتنا کہا کہ اسے اس کی ضرورت نہیں ہے۔ اس کے بالوں کا گرنا، جو بہت مشہور ہے، خوفناک ہوتا۔ ہر کوئی اس کے بالوں سے پیار کرتا ہے!"

ایک بار جب کیٹ کو باضابطہ طور پر کینسر کی تشخیص ہوئی تو انہوں نے وضاحت کی کہ ان کی "طبی ٹیم نے اس لیے مشورہ دیا کہ [اسے] روک تھام کرنے والی کیموتھراپی کے کورس سے گزرنا چاہیے۔"

مہینوں کے کورس کے بعد، کیٹ نے اعلان کیا کہ انہوں نے 9 ستمبر 2024 کو اپنی روک تھام کرنے والی کیموتھراپی ختم کر دی ہے۔ اس دن بعد میں شیئر کیے گئے ایک ویڈیو بیان میں پرنسس کیٹ نے سنگ میل کے بارے میں بات کی۔