ویب ڈیسک:  پی ایس ایل 8 میں لاہور قلندرزاور گلیڈی ایٹرز آج پنجہ آزمائی کیلیے تیار ہیں۔

نیشنل اسٹیڈیم کراچی میں منگل کو لاہور قلندرز اور کوئٹہ گلیڈی ایٹرز کی ٹیمیں مقابل ہوں گی۔ شاہین آفریدی الیون نے پہلے میچ میں دفاعی چیمپئن ملتان کو شکست دی تھی مگر دوسرے میں روایتی حریف کراچی کنگز نے 67رنز کے بڑے مارجن سے زیر کرلیا۔

حریف ٹیم کوئٹہ گلیڈی ایٹرز کو پہلے میچ میں ملتان سلطانز نے آؤٹ کلاس کردیا تھا مگر دوسرے میں کم بیک کرتے ہوئے مارٹن گپٹل کی سنچری کی بدولت 6رنز سے کامیابی حاصل کرلی، تیسرے میں پشاور زلمی کے ہاتھوں شکست کا سامنا کرنا پڑا،فتح کے ٹریک پر واپسی کیلیے ٹاپ آرڈر میں جسین روئے،مارٹن گپٹل اور سرفراز احمد میں سے کم ازکم کسی ایک کو بڑی اننگز کھیلنا ہوگی۔