(ویب ڈیسک)مصری شاہ کے علاقہ فاروق گنج میں کرنٹ لگنے سے بہن، بھائی جاں بحق، ایک بہن زخمی ہو گئی۔
پولیس کے مطابق8 سالہ حمزہ کھڑکی سے لوہے کا پائپ باہر نکال رہا تھا بدقسمتی سے پائپ 11 ہزار کے وی کی مین تار سے ٹکرا گیا، حمزہ کو بچاتے ہوئے اس کی بہنیں نور اور رباب بھی کرنٹ کی لپیٹ میں آ گئیں۔
افسوسناک واقعے کے نتیجے میں حمزہ اور نور موقع پر ہی دم توڑ گئے، رباب کو طبی امداد کیلئے میو ہسپتال منتقل کر دیا گیا، واقعے کے بعد پولیس نےموقع پر پہنچ کر مختلف پہلوؤں پر تحقیقات کا آغاز کر دیا۔