ارشاد قریشی :اسلام آباد انٹرنیشنل ایئرپورٹ پر اے این ایف کی کارروائی، فرانسیسی باشندے سے بھاری مقدار میں منشیات برآمد۔
تفصیلات کےمطابق اسلام آباد انٹرنیشنل ایئرپورٹ پر اے این ایف کی کارروائی کرتےفرانسیسی باشندے کو گرفتار کرلیا، قبضہ سے بھاری مقدار میں منشیات برآمد ہوئیں۔
ملزم انڈیا سے اسلام آباد آیا تھا اور اب براستہ مسقط، سری لنکا کی طرف گامزن تھا،تلاشی لینے پر ملزم کے بیگ سے 1 کلو 58 گرام چرس برآمد ہوئی۔
ملزم منشیات چاکلیٹس کی پیکنگ میں چھپا کر اسمگل کر رہا تھا،گرفتار ملزم وزٹ ویزہ پر پاکستان آیا تھا،ملزم کے خلاف انسداد منشیات ایکٹ کے تحت مقدمہ درج کر کے تحقیقات کا آغاز کر دیا گیا۔