(عابد چوہدری)مختلف برانڈز کی سیل آفرز کے دوران خواتین کے پرس کا صفایا کرنے والی چورملزمان گرفتار کر لی گئیں۔
گلبرگ انویسٹی گیشن پولیس نے وارداتوں میں ملوث خواتین کا گروہ گرفتارکیا ہے۔ گرفتار ملزمان میں ریکارڈ یافتہ ملزمہ بسمہ کاشف اور کرن اعظم شامل ہیں، جن سے مزید تفتیش جاری ہے۔ پولیس کے مطابق مختلف برینڈز کی سیل کے دوران خواتین ملزمان رش کا فائدہ اٹھا کر شاپنگ کے لیے آئیں، اور خواتین کے پرس سے نقدی اور قیمتی اشیاء نکال لیں۔
ملزمان کو سی سی ٹی وی فوٹیج کی مدد سے گرفتار کیا گیا۔ ملزمان نے دوران تفتیش متعدد وارداتوں کا اعتراف کیا ہے۔