(شہباز علی) نیوزی لینڈ میں کورونا وائرس کی وجہ سے آئیسولیشن جیسی مشکلات پر پی سی بی کا اہم فیصلہ، مستقبل میں آنے والے بین الااقوامی ٹورز پر کھلاڑیوں کے ساتھ ان کی فیملیز کو بھی بھجوایا جائے گا۔
نیوزی لینڈ میں آئسو لیشن کے دوران پیش آنے والی مشکلات کے بعد پی سی بی کھلاڑیوں کی فیملیز کو ہمراہ بھجوانے کیلئے دوسرے کرکٹ بورڈز سے بات کرے گا،قومی کرکٹ ٹیم نے آئندہ سال انگلینڈ ،زمباوے ،بنگلہ دیش، ویسٹ انڈیز کا دورہ کرنا ہے، ذرائع کے مطابق پی سی بی نے ہوم سیریز میں کھلاڑیوں کو فیملیزساتھ رکھنے کی اجازت دیدی ہے۔
پی سی بی نے اپنے فیصلے سے کپتان بابراعظم اور ٹیم منیجر کو آگاہ کر دیاہے۔ جنوبی افریقہ کے خلاف ہوم سیریز میں اہل خانہ ساتھ رکھے جا سکیں گے۔انگلینڈ اور ویسٹ انڈیز سیریز میں بھی اہل خانہ ساتھ رکھنے کی اجازت ہوگی۔
ادھرپی سی بی نے دیگر کرکٹ بورڈز سے بھی فیملیز کے حوالے سے بات کرنے کا فیصلہ کیا ہے۔ فیملیز کو بائیو سیکور ببل میں آنے سے قبل کویڈ ٹیسٹنگ کروانی ہوگی۔ کرکٹرز کی فیملیز پر بھی کورونا وائرس کے تمام پروٹوکول لاگو ہوں گے۔فیصلے کا مقصد کرکٹ کے ساتھ کھلاڑیوں کی ذاتی زندگی کا بھی خیال رکھناہے۔