( سٹی 42 ) بابر اعظم کیخلاف جنسی ہراسانی کا مقدمہ درج کرنے کی درخواست پر سماعت، خاتون حمیزہ مختیار نے ایک اور مقدمہ درج کرنے کی درخواست دائر کردی۔
تفصیلات کے مطابق بابر اعظم کیخلاف جنسی ہراسانی کا مقدمہ درج کرنے کی درخواست پر سماعت ہوئی جس پر خاتون حمیزہ مختیار نے بابر اعظم پر ایک اور مقدمہ درج کرنے کی درخواست کی۔ خاتون کا کہنا ہے کہ مخالف پارٹی کی جانب سے دھمکی آمیز مسیجز موصول ہو رہے ہیں۔ بابر اعظم کیخلاف دھمکیاں دینے کا مقدمہ بھی درج کیا جائے۔
حمیزہ کے وکیل نے بابر اعظم کے وکیل کے وکالت نامے پر سوالات اٹھا دیئے کہا کہ بابر اعظم کے وکلا نے جعلی دستخط شدہ وکالت نامہ جمع کرایا۔ بابر اعظم بیرون ملک جانے سے پہلے وکالت نامہ سائن کر کے گئے۔ عدالت نے دونوں درخواستیں 23 دسمبر تک ملتوی کر دیں۔