عابد چوہدری: لاہور میں فیصل ٹاؤن سے نوجوان کے اغواء اور قتل کے الزام میں 3 پولیس اہلکاروں کو گرفتار کرلیا گیا۔

پولیس ذرائع کے مطابق لاہور کے علاقے فیصل ٹاؤن میں  33سالہ نوجوان کے  اغوا اور قتل کےالزام میں ایک برخاست شدہ پولیس اہلکار سمیت 2 اہلکاروں گرفتار کر کے تحقیقات شروع کر دی گئی ہیں۔

 مقتول فرخ ارشد 18 اگست کی صبح تینوں اہلکاروں کے ساتھ برکت مارکیٹ میں بیٹھا تھا جس کے بعد تینوں فرخ ارشد کے ساتھ اچھرہ میں واقع  اس کے گھر گئے۔ بعد ازاں فرخ ارشد پلازہ کی چھت سے گر کر جاں بحق ہوگیا۔ فرخ ارشد کی موت کی تحقیقات جاری ہیں۔

پولیس اہلکار منعظم حسین گارڈن ٹاؤن تھانے، اعجاز ٹاؤن شپ تھانے میں اور حمزہ ڈولفن فورس کا برطرف کانسٹیبل ہے۔ گرفتار پولیس اہلکاروں سے تفتیش جاری ہے۔