ڈسٹرکٹ فٹ بال ایسوسی ایشن لاہور کا پہلا جنرل کونسل اجلاس 

 ویب ڈیسک : ڈسٹرکٹ فٹ بال ایسوسی ایشن لاہور کا پہلا جنرل کونسل اجلاس ہوا
صدر ڈسٹرکٹ فٹبال ایسوسی ایشن لاہورکا پہلا اجلاس ضیاء عارف ڈوگر کی صدارت میں ہوا۔ریڈرز فٹ بال گراونڈ میں منعقدہ اجلاس میں25 سے زائد کلب نمائندوں  نے  پاکستان کے دل لاہور میں فٹ بال کے فروغ  کے لیے  مشاورت کی اور تجاویز پیش کیں ۔ اجلاس میں صدر ضیاء عارف ڈوگر کے علاوہ جنرل سیکرٹری عبدالندیم ، اجلاس کے میزبان محمد اظہر ، وائس پریزیڈنٹ سید جماعت علی شاہ ، سینئر فٹبالر کپتان طاہر حسین ، محمد حنیف ، سعد چوھدری  اور تجمل خان سمیت دیگر نمائندے شریک ہوئے۔اجلاس میں ریفریز ایسوسی ایشن کے نمائندے طارق مسعود  اور انٹرنیشنل ریفری فرحان نے بھی شرکت کی ۔ مشاورت کے بعد اجلاس میں گیارہ  متفقہ فیصلے کیے گئےجن میں رجسٹرڈ کلبز اور ٹورنامنٹس کے انعقاد پر فوکس ، ڈسٹرکٹ  لیگ کے انعقاد، نئے کلبزکی رجسٹریشن میں معاونت ،  سوشل میڈیا پر فٹ بال کے متنازعہ معاملات سے اجتناب اور ایسوسی ایشن کے ماہانہ اجلاس کے انعقاد  سمیت دیگر فیصلے شامل ہیں۔لاہور کے سینئر اور اہم کلب نمائندوں کی جانب سے اجلاس کو کامیاب قرار دیا گیا۔