کلیم اختر:کینیڈین ہائی کمیشن کے وفد کا پی ڈی ایم اے پنجاب کا دورہ، کینیڈین ہائی کمشنر ڈینیل آرسیو نولٹ اور دیگر نمائندگان وفد میں شامل، وفد نے پنجاب حکومت کے قدرتی آفات سے نمٹنے کے نظام بارے آگاہی حاصل کی۔
موسمیاتی تبدیلیوں و موسمیاتی سرمایہ کاری کی مالی اعانت بارے تبادلہ خیال کیا گیا، کینیڈین ہائی کمشن کے وفد نے پی ڈی ایم اے کنٹرول روم کا بھی دورہ کیا، ڈائریکٹر جنرل عرفان علی کاٹھیا نے وفد کو پی ڈی ایم کی ورکنگ بارے آگاہ کیا۔

ڈی جی عرفان علی کاٹھیا کا کہنا تھا کہ صوبائی کنٹرول روم میں تمام اضلاع کیساتھ 24 گھنٹے رابطے کو یقینی بنایا جاتا ہے ، ہیٹ ویو بارش فلڈ و دیگر آفات بارے پیشگی وارننگز ، انتظامیہ کو الرٹ جاری کیے جاتے ہیں، پاکستان کو شدید موسمیاتی تبدیلیوں کا سامنا ہے۔

کینیڈین ہائی کمشنر ڈینیل آرسیو نولٹ کا کہنا تھا کہ کینڈا و پاکستان کے درمیان تمام شعبہ ہائے زندگی میں طویل شراکت داری ہے،کینیڈا قدرتی آفات سے نمٹنے کیلئے پی ڈی ایم اے کیساتھ مکمل تعاون کریگا، ڈی جی پی ڈی ایم اے عرفان علی کاٹھیا نے کینیڈین ہائی کمشنر کو شیلڈ پیش کی۔