موسم سے متعلق اہم پیشگوئی

ویب ڈیسک:سورج کی تپش سےشہر میں گرمی بڑھنے لگی،درجہ حرارت 29 ڈگری سینٹی گریڈ ریکارڈ کیا گیا۔
ماہرین کے مطابق درجہ حرارت 21 سے 37 ڈگری کے مابین رہنے کا امکان ہے جبکہ 24گھنٹوں میں بارش کا کوئی امکان موجود نہیں۔
ائیر کوالٹی انڈیکس 165 پوائنٹس پر ہے ، لاہور آلودگی میں دوسرے نمبر پر آ گیا۔

 دوسری جانب بالائی خیبر پختونخوا، کشمیر اور گلگت بلتستان میں چند مقامات پر آج تیز ہواؤں اور گرج چمک کے ساتھ بارش کا امکان ہے۔ 

محکمہ موسمیات کے مطابق ملک کے بیشتر علاقوں میں موسم گرم اور خشک رہنے کی توقع ہے۔

کراچی 23 اپریل تک ہیٹ ویو کی لپیٹ میں رہے گا، گزشتہ روز شہر قائد کا درجہ حرارت 39 اور شدت 47 جیسی محسوس کی گئی۔

محکمہ موسمیات کا بتانا ہے کہ گزشتہ 24 گھنٹوں کے دوران سب سے زیادہ درجہ حرارت جیکب آباد میں 43 ڈگری سینٹی گریڈ محسوس کیا گیا۔