سٹی42:بنگلہ دیشی پولیس کی سابق وزیراعظم حسینہ واجد کے لیے انٹرپول سے ریڈ نوٹس جاری کرنے کی درخواست، مظالم اور جرائم پر شیخ حسینہ کی عالمی سطح پر گھیراؤ کی تیاری۔
تفصیلات کےمطابق شیخ حسینہ سمیت 12 افراد کے خلاف نیشنل سینٹرل بیورو کی ریڈ نوٹس کے لیے انٹرپول کو درخواست دے دی گئی، انٹرنیشنل کرائمز ٹریبونل کی درخواست پر پولیس نے انٹرپول سے رابطہ کیا۔
شیخ حسینہ کو "مفرور" قرار دے کر گرفتاری کے لیے بین الاقوامی سطح پر کارروائی کا مطالبہ کیا گیا، انٹرنیشنل کرائمز ٹربیونل کے چیف پراسیکیوٹر نے نومبر میں انٹرپول کی مدد مانگی تھی۔
بنگلادیشی پولیس کا کہنا تھا کہ ریڈ نوٹس کی درخواست عدالتی احکامات اور شواہد پر مبنی، شیخ حسینہ سمیت 12 "مفرور ملزمان" کی تلاش میں انٹرنیشنل ایکشن میں تیزی دیکھنے میں آرہی ہے، شیخ حسینہ کو بھارت نے اس وقت پناہ دی ہوئی ہے۔