گجر پورہ جمعہ بازار کےقریب فیملی پارک گندے پانی کا جوہر بن گیا

 ابو بکر ارشاد: گجر پورہ جمعہ بازار کے قریب واقع فیملی پارک کی حالت ابتر ہے ۔پارک میں سیوریج کے گندے پانی  نے قبضہ جما رکھا ہے ۔
پارک میں لگے جھولے اور بنچز بھی ٹوٹ پھوٹ کا شکار ہوچکے ہیں ۔ پارک میں سیوریج ملا پانی تعفن پیدا کر رہا ہے۔ مچھروں کی بہتات سے علاقےمیں ملیریا اور جلدی بیماریاں  جنم لے رہی ہیں ۔ گندگی کے ڈھیر بھی پارک میں موجود ہیں ۔ علاقہ مکینوں کا کہنا ہے کہ    پارک کی حالت انتہائی ناگفتہ بہ ہے ۔  اسی پارک میں  منشیات  کےعادی افراد کے  زہر آلود دھوئیں اور  لڑنے کی آوازیں  آتی ہیں ۔انتظامیہ کوکئی باردرخواستیں جمع کراچکے ہیں مگرشنوائی نہیں ہورہی ، علاقے کے  سیاست دان  بھی  اس طرف دوبارہ  رخ  نہیں کررہے ۔